ПРЭС-РЭЛІЗ
20-21 жніўня. Фэст у гонар
Тадэвуша Рэйтана
Грушаўка – гэта невялічкая вёска ў Ляхавіцкім раёне, якая
мае даўнюю і слаўную гісторыю. Менавіта яна цягам амаль чатырох стагоддзяў
з’яўлялася родавым гняздом рыцарскага рода Рэйтанаў. Менавіта ў ёй прайшлі
першыя і апошнія хвіліны жыцця найвядомага яго прадстаўніка -- Тадэвуша
Рэйтана, якога сёння справядліва лічаць нацыянальным героем Беларусі. Усе, хто
пабываў тут, адзначаюць непаўторную атмасферу гэтых мясцін, якія літаральна
набрынялі высакародным духам гісторыі.
Старая шляхецкага сядзіба па-ранейшаму ў запусценні. Але
мясцовыя ўлады і валанцёры з Арт-суполкі імя Тадэвуша Рэйтана намагаюцца хаця б
раз на год напоўніць яе жыццём. 20-21 жніўня ля старадаўняга палаца ўжо ў
чацвёрты раз адначасова пройдуць адразу два фэсты -- свята традыцыйнай культуры “З крыніц
спрадвечных”, дзе будуць прадстаўлены найлепшыя праявы народнай творчасці
Ляхавіцкага раёну (песні, танцы, рамёствы, кухня), і фестываль саверсізма й
ігдрасілізма ДАХ-ХХХІ “РЭЙТАН”.
Надзвычай насычаная праграма, якая будзе праходзіць адначасова
на некалькіх пляцоўках, абяцае задаволіць густы самай рознай публікі.
Прыкладам, у першы дзень апрача музыкі і забаў плануюцца таксама рыцарскія і
шляхецкія танцы і двубоі ад праектаў “Полацкі звяз” і “Эпоха Міхала Клеафаса”,
майстар-класы па лінагравюры Змітра Шапавалава і беларускіх фальклёрных танцаў
ад “На Таку”, курсы “Мова нанова” з Юляй Траццяк, экскурсія па зорным небе ад
Цімоха Авіліна, кінапаказ стужак міжнароднага фестывалю кароткаметражных
фільмаў “Cinema Perpetuum Mobile”, а таксама
стужак рэжысёра Алены Ясінскай, тэматычна звязаных з Грушаўкай.
Другі дзень спалучыць праявы сучаснай і традыцыйнай
культуры. Перформансы будуць чаргавацца з фальклорнымі і сучаснымі спевамі ад
Рамана Яраша, Юліі Літвінавай, ПАЦІ і ETNA_BEAT, а старадаўняя музыка ў выкананні ансамбляў “Archi” і
“Brevis” – з імправізацыямі знакамітых эксперыментатараў Аляксея
Варсобы (“Port Mone”) і Віктара Сямашкі.
Своеасаблівым фонам фестывальнай дзеі стане мастацкая
выстава, што разгорнецца непасрэдна ля палаца Рэйтанаў. Удзел у ёй возьмуць
самыя разнапланавыя творцы: Алесь Родзін, Анатоль Лабкоўскі, Святлана Бадак,
Зьміцер Шапавалаў, а таксама сябры суполкі “Абуджэнне” -- Яўген Шунэйка, Андрэй
Лычкоўскі, Уладзімір Сайко.
У гэтыя дні ў закінутую сядзібу вернецца той культурны
віхор, які віраваў там цягам стагоддзяў. На думку аднаго з куратараў фэсту Змітра
Юркевіча, грамадская ўвага да гэтага каштоўнага помніка спадчыны можа паспрыяць
кардынальнай змене яго лёсу – доўначаканай рэстаўрацыі і пераўтварэнню ў
музейны комплекс.
-- Спадзяюся, прыйдзе той час, калі Грушаўка будзе
функцыянаваць як культуры цэнтр не раз ад разу, а
пастаянна, спрыяючы выхаванню патрытызму нашых грамадзянаў на прыкладзе такога
адданага свайму краю нашага земляка, як Тадэвуш Рэйтан, -- адзначыў ён.
Запрашаем на фестываль!
Арт-суполка імя Тадэвуша Рэйтана
+375 33 375
72 50
УДЗЕЛЬНІКІ ФЕСТЫВАЛЯ СУЧАСНАГА МАСТАЦТВА ДАХ-ХХХІ “РЭЙТАН”
20-21 жніўня -
Мастацкая выстава: Алесь Родзін, Зьміцер Юркевіч, Зьміцер Шапавалаў, суполка
"Абуджэнне" (Яўген Шунэйка, Андрэй Лычкоўскі, Уладзімір Сайко),
Анатоль Лабкоўскі, Святлана Бадак і іншыя.
20 ЖНІЎНЯ
11 30-12 00
(Урачыстае шыхтаванне і марш на сядзібу ўсіх удзельнікаў мерапрыемства.
З в таблічкамі з назовамі праэктаў. На
сядзібе вітанне і прадстаўленне удзельнікаў публіцы.
АРТ_СУПОЛКА ІМЯ ТАДЭВУША РЭЙТАНА:
12 00 -14 00 –майстар клас па лінагравюры. Вядзе
мастак-графік Зьміцер Шапавалаў (Мінск).
Падрыхтоўчы этап. 16 00-17 00 -працяг.
Друк.
14 00 – 15 00 – Народны тэатр гістарычнага строя “Полацкі зьвяз” (рыцарскія забавы, паедынкі на
мячах і шм. інш., а таксама мастацкая выстава і сувеніры ад этнакрамы “РАГНА”)
15 00 -15 30 – Анімацыйная праграма ад гістарычнага
танцавальнага праекта “Эпоха князя Міхала Клеафаса” (танцы, двубоі на шаблях)
15 30-16 00 – Танцпляцоўка. Капэля "На Таку"
(Мінск) майстар-клас народных танцаў.
17 00-18 20 – Сядзібны падворак. Сучасныя курсы “Мова нанова” (вядучая Юля
Траццяк. Баранавічы)
18 20-19 00 – Сядзібны падворак. Лекцыя "Экскурсія па
зорным небе" (вядучы Цімафей Авілін, Мінск)
19 00-19 40 – Сядзібны падворак. Лекцыя “Род Рэйтанаў.
Тадэвуш Рэйтан і ягоны час” (вядучы Зміцер Юркевіч).
20 00- 22 00 – Сядзібны падворак. Кінапаказ ад міжнародны
фестываля кароткаметражных фільмаў Cinema Perpetuum Mobile (Мінск)
"Толькі ў Гродна", 13 хв., 2015, Максім Швед
"У Мінска не малады твар", 10 хв., 2015, Мікіта Лаўрэцкі
"Хроніка", 16 хв., 2016, Дзяніс Кудраўцаў
"Пра каханне: Іра", 29 хв., 2013, Любоў Земцова
"У Мінска не малады твар", 10 хв., 2015, Мікіта Лаўрэцкі
"Хроніка", 16 хв., 2016, Дзяніс Кудраўцаў
"Пра каханне: Іра", 29 хв., 2013, Любоў Земцова
+
Паказ стужак рэжысера Алены Ясінскай (Мінск)
19 00-22 00 –Ляхавічы. Этна-дыскатэка.
танцы Кракавяк,
Падыспан, Геспансер, Гапак, Карапет, Ойра, Лявоніха, Акуліна, Базар, Таўкачыкі,
Каханачка
21 ЖНІЎНЯ 12 00 – 22 00
Музычны блок:
ЮЛІЯ ЛІТВІНАВА (в. Вялікая Дайнава Валожынскага раёна) і РАМАН ЯРАШ
Бярэзань (Беразіно)-
сьпевы жнівеньскія бяседныя.
ПАЦІ (ЦІМОХ АВІЛІН,
ПАВАЛ СІЛІВОНЧЫК, Р.Я. (песьні сядзібных рамантыкаў, Мінск)
Raman Jaraš (žurba =blues)
ВІКТАР СЯМАШКА і К
(імправізацыйны сэт, Мінск)
ETNA_BEAT (беларускія
спевы з ужываннем тэхнік beatboxing і live looping, Мінск)
АЛЯКСЕЙ ВАРСОБА (PORT MONE, AGATA) (акардэаніст, кампозітар,
постмінімалізм, Мінск)
ARCHI (народны струнны ансамбль, Пружаны)
BREVIS (ансамбль старажытнай музыкі, Мінск)
Перформанс:
Юрась Барысевіч (Мінск)
Суполка Экзарцыстычны
Gesamtkunstwerk (Мінск)
Плануецца арніталагічная экскурсія, якую правядзе Дзяніс Табуноў , Старшыня Брэсцкага абласнога аддзялення грамадскай арганізацыі "Ахова птушак Бацькаўшчыны", а таксама выраб і развеска шпакоўняў і сінічнікаў.
КІНАПАКАЗ 20-00 – 22
00
Комментариев нет:
Отправить комментарий