Яшчэ адной
цікавінкай на фестывалі ДАХ-ХХХІ-"РЭЙТАН" (20 і 21 жніўня) стануць сучасныя і модныя
курсы беларускай мовы «Мова нанова». Напэўна, ужо не засталося чалавека ў
Беларусі, які б не чуў пра гэтыя курсы. МОВА
НАНОВА – бясплатныя курсы беларускай мовы. Існуюць са студзеня 2014
года. Запачаткаваныя ў Менску філолагам Алесяй Літвіноўскай і журналістам Глебам Лабадзенкам. Таксама курсы дзейнічаюць у Астраўцы, Бабруйску,
Баранавічах, Берасці, Віцебску, Гародні, Гомелі, Магілёве, Маладзечне і
Светлагорску.
Штотыдзень курсы наведвае каля 650 студэнтаў. Ад кастрычніка 2014 года выдадзена больш за 1900 студэнцкіх білетаў. У лістападзе
2014 года курсы атрымалі дзяржаўную рэгістрацыю як “Сацыяльна-культурная
ўстанова развіцця беларускай мовы і культуры “Мова Нанова”.
Праводзіць заняткі ў Грушаўцы ўжо
традыцыйна будзе выкладчыца «Мовы нанова» з Баранавічаў Юля Траццяк. Калі вы
думаеце, што вывучаць мову сумна і нецікава, то вы памыляецеся! На занятках
будзе шмат інтэрактыву, творчых калектыўных заданняў, а таксама багата добрых
прызоў і падарункаў. Вось так заняткі праходзілі на
фэсце летась.
Дык вітаем
вас на фестывалі ДАХ-ХХХІ-"РЭЙТАН"
20 і 21 жніўня!
Комментариев нет:
Отправить комментарий