Ганцавіцкі раённы Дом рамёстваў у сядзібе роду Рэйтанаў

Дом рамёстваў на свяце фальклорнага мастацтва «З крыніц спрадвечных» (в. Грушаўка, Ляхавіцкі р-н)

Опубликовано 21 августа 2016

• Мероприятия и события, Новости культуры

20 жніўня Дом рамёстваў удзельнічаў ў кірмашы на XV раённым свяце фальклорнага мастацтва «З крыніц спрадвечных» у в. Грушаўка Ляхавіцкага р-на.

Фестываль ладзіцца ля старадаўняй шляхецкай сядзібы Рэйтанаў, і ўжо ў чацвёрты раз адначасова проходзілі адразу два фэсты — свята традыцыйнай культуры «З крыніц спрадвечных», дзе былі прадстаўленыя найлепшыя праявы народнай творчасці (песні, танцы, рамёствы, кухня), і фестываль ДАХ-ХХХІ «РЭЙТАН».

Надзвычай насычаная праграма, якая праходзіла адначасова на некалькіх пляцоўках, задаволіла густы самай рознай публікі.

На фестывалі працаваў кірмаш вырабаў ручной работы: тут можна было знайсці і тканыя паясы, і гліняны посуд, і ўпрыгожанні. Дом рамёстваў прадставіў вырабы сваіх майстроў, а таксама ўдзельнікаў клуба майстроў народнай творчасці «Багач». Карысталіся попытам тканыя палавікі і вязаныя кружкі, ажурныя карункі і сурвэткі, вырабы з саломкі, паштоўкі ручной работы і сувеніры.

---

Ганцавіцкі раённы Дом рамёстваў
225432 г. Ганцавічы, вул. Кастрычніцкая, 3а
+ 375 1646 22148
facebook.com/crafts.hancaviczy
vk.com/crafts.hancaviczy

http://gnckult.by/meropriyatiya-i-sobytiya/2016/08/21/dom-ramestvau-na-svyace-falklornaga-mastactva-z-krynic-spradvechnyh-v-grushauka-lyahavicki-r-n/