Тадэвуш Рэйтан , "Гісторыя Беларусі" (8 клас, 2010)

Збор сродкаў на аднаўленне капліцы Рэйтанаў . Афлайн-талакошт: 2394,08 Br!

Дзякуй чальцам нашай каманды Нікіце Біза і Ілле Шыпіла з Ляхавічаў! Яны прапанавалі і самі сабралі сродкі ў гімназіі, дзе вучацца!

http://www.talaka.by/projects/788/post/2634

Райтэр на радзіме Рэйтана , або "Эсперанта сучаснага мастацтва"

Інтэрв'ю, якое даў журналісту газеты "Культура" Ільле Свірыну былы кіраўнік вядомага берлінскага арт-цэнтра "Тахелес"  (спыніў свае існаванне ў 2012 г.) , вядомы берлінскі мастак і наш добры сябра Марцін Райтэр.

Незадоўга да таго, ён пабываў разам з намі ў аўтобуснай вандроўцы "Шляхам Тадэвуша Рэйтана"-2, якая прайшла па тых пуцявінах, якімі , безумоўна , вандраваў у XVIII ст. наш Герой. Шлях гэты - Менск-Нясвіж-Грушаўка-Ствалавічы-Свіцязь-Наваградак.

Некаторыя свае думкі наконт убачаннага , мастак паведаў сп.Свірыну, які таксама з'яўляецца нашым даўнім сябрам, але і пры гэтым, актыўным паплечнікам Арт-суполкі імя Тадэвуша Рэйтана ў справе змагання за захаванне сядзібы роду Рэйтанаў у Грушаўцы (ляхавіцкі раён, Берасцейшчына). 

Дарэчы, нагадаем , што менавіта дзякуючы берлінскаму арт-цэнтру ў нас нарадзілася і выспела ідэя "вяртання" імя Тадэвуша Рэйтана Беларусі. Там адбылося і першае мастацкае інсталяцыйнае ўвасабленне яго постаці (і гераічнага ўчынку на сойме 1773 г.) пад час ДАХ-16 "Вайна" (2012г.)

Марцін Райтэр

(фота клікабельна)

Апгрэйд ахоўнага навеса 21/11/2016

Роўна тры гады таму над капліцай на родавым пахаванні Рэйтанаў  намі быў пабудаваны ахоўны 

Не так даўно і ён пацярпеў ад непагоды. Таму, вырашана было малым складам выправіцца ў Ляхавічы на "субнядзельнік".

Набываючы рубероід-цвікі у "будкраме" мы пазнаёміліся са сп.Алесям , месцічам, які прапанаваў нас падвезьці да месца. Падобна, знайшлі яшчэ аднаго добрага і неабыякавага да нашай справы чалавека. 

Таксама адбылася сустрэча з нашымі сябрамі. Вялікая падзяка навучэнцам гімназіі г.Ляхавічы , якія вырашылі падтрымаць наш праект аднаўлення капліцы !!

Былі-дзеілі дах латалі:

Зьміцер Юркевіч

Алесь Мачульскі

сп.Алесь

Было:

                               
                                                                     Стала:

Патрэбна дапамога!

Сябры!
Шмат хто з вас ведае, што мы вырашылі аднавіць капліцу на родавым пахаванні Рэйтанаў у горадзе Ляхавічы.
Намерам аднавіць яе папярэднічала барацьба за захаванне старой капліцы (сярэдзіна ХІХ ст.), якая знаходзілася ў жудасным, аварыйным стане. Але, пабудаваны ахоўны навес не дапамог, да пачатку прац улетку 2014 г. капліца не дастаяла 5 дзён. Прычына так і не высвятлілася, хоць відавочцы казалі, што "сама сабой, сярод дня".
Месца гэтае асобае. Тут былі пахаваны браты Тадэвуша Рэйтана- Міхал і Станіслаў, пляменнік Даменік, сын Даменіка Стафан і ягоная жонка Марыя з Несялоўскіх. Існуе верагоднасць таго, што пасьля таго, як згарэў стары касцёл у Ляхавічах, сюды з яго былі перанеслі астанкі самога Тадэвуша Рэйтана.
У дадзены момант на платформе http://www.talaka.by/projects/788/blogад імя нашае Арт-суполкі імя Тадэвуша Рэйтана вядзецца збор сродкаў на аднаўленне капліцы.
Падтрымайце добрую і годную справу!

Выказваю шчырую падзяку тым, хто ўжо зрабіў свой унёсак у агульную скарбонку перамогі!

Сяброў суполкі прашу аб "рэпост"

Рэйтан і Касцюшка

Доўгая гісторыя пра тое, як ліцьвін-беларус Тадэвуш Рэйтана стаў "выбітным палякам" яшчэ наперадзе.  Але, адзін з эпізодаў балады прыводзім зараз.

                                       Cześć im i sława  Rejtan,Kościuszko..

(час стварэння 1851-1900)

Маем спадзеў, што неўзабаве беларускі чытач зможа даведацца аб вельмі цікавых акалічнасцях сваяцтва Тадэвуша Рэйтана і Тадэвуша Касцюшкі.

Сачыце за блогам!

Шляхам Тадэвуша Рэйтана-2 (урыўкі)

Грушаўка

Наваградак. Фарны касцёл.

Гумно-свіран (Грушаўка)