17 лютага 2018 года
а 12-ай гадзіне ў Шматфунцыянальнай арт -прасторы ВЕРХ распачнецца 12-цігадзінны мастацка-гістарычны фестываль “РЭЙТАН” (ДАХ).
Фестываль
прысвечаны памяці нашых славутых
землякоў - Тадэвуша Рэйтана, Самуэля
Корсака і Станіслава Багушэвіча-Мінькоўскага, якія 19 красавіка 1773
года рашуча выступілі супраць Першага
гвалтоўнага Падзелу Рэчы Паспалітай Абодвух Народаў – Вялікага Княства
Літоўскага і Польскага каралеўства. Імёны Герояў, якія прадстаўлялі
Наваградскае і Менскае ваяводствы ВКЛ, асабліва Тадэвуша Рэйтана, як душу і
сэрдца супраціву, высока шанаваліся ў ВКЛ.
Кажуць пра гэта шматлікія паэтычныя і мастацкія творы, народжаныя на
беларускіх землях Францішкам Князьніным, Адамам Міцкевічам, Генрыкам Жавускім,
Ф.Смуглевічам і інш. Культ іх памяці зведаў перыяды ўздыму і заняпаду. Але,
апошнім часам, памяць аб мужных абаронцах Незалежнасці роднай зямлі вяртаецца.
Сведчаннем гэтага вяртання з’яўляецца і гэты штогадовы фестываль, які з 2013
года ладзіць Арт-суполка імя Тадэвуша Рэйтана.
Традыцыйна фестываль з’яднае пад сваім дахам на трох пляцоўках вялікую колькасць беларускіх творцаў –
мастакоў (Алесь Родзін, Рыгор
Батальёнак, Алесь і Ігар Марачкіны, Мікола Купава, Зьміцер Шапавалаў, Валеры
Вядрэнка, Яўген Шунэйка, Андрэй Лычкоўскі, Алена Шарыпа, Алесь Марунаў, Яўген Шчарбач, Пётр
Шарыпа і Віктар Маркавец і інш.);
музыкаў (ансабль BREVIS, Алесь Лось (лірныя спевы), Dzivasiltrio, Таццяна Грыневіч, WARSOBA, Раман Яраш, ShamanJungle, Čarot, MasqueNoirfeat.
Ільля Сін, BUBEN і Яўген Рагозін, NZ, ASTRALAPITHECUS, Сонцавостраў, KVSB, MadTherapist, Балцкі субстрат, Віктар Сямашка і Кумпанія і інш. );
перформераў –
арт-суполку “Няхай”, Тэатр “EYE!” .
Запланаваны майстар –класы: лінагравюра (Зміцер Шапавалаў і Ілля Андрэеў), гістарычнае фехтаванне ( клубы MinskHEMAFightClub і DuellatoriaAlba, Вадзім Карповіч і Вадзім Алейнік, менскі філіял “Полацкага звязу”, танцы - школатанцаўпачатку ХIХ стагоддзя "Капітэль”,
СЭТ).
Можна будзе азнаёміца і з
навінкамі беларускіх выдавецтваў – АRCHE,
Галіяфы і інш.
Будзе
працаваць майстэрня смаку «Зёлка-пчолка»
Юліі Літвінавай і Змітра Мурашкі (аграcядзіба «DajnaūskiDvor»).
Майстры-ганчары з Берасцейшчыны -Віктар і Тамара Тромза прадставяць унікальную "чорную кераміку"!
Гледача чакае настольная гульня “Палескія археолагі” (Ю.Бажок).
А 12 00-ай гадзіне – паказ “Батлейкі” (музей ім.
Максіма Багдановіча) і традыцыйныя беларускія дзіцячыя гульні (В.Кароткіна).
15 00-19 00- у Рыцарскай залі - адкрытая
трэніроўка па фехтаванні (рапіра і двуручны меч).
14 00-16 00 –сустрэча
з даследчыкамі і гісторыкамі,
прысвечаная памяці Тадэвуша Рэйтана (З. Юркевіч, А. Жлутка, Ф. Чарняўскі, А. Сцебурака, Ю.Зялевіч (дырэктар сядзібы-музея "Пружанскі палацык", Павел Булаты і інш.)
А 17 00 адбудзецца афіцыйнае адкрыццё : тэатралізаваная дзея, прысвечаная падзеям
Надзвычайнага сойму 1773 года.
Праграма фестываля
вельмі насычаная, разлічаная на самыя розныя ўзросты, і будзе
цікава тым, хто жыве гісторыяй і культурай Беларусі!
Удзельнікаў і гледачоў чакаюць невялічкія падарункі ад Арт-суполкі імя Тадэвуша Рэйтана.
Азнаёміцца з
дакладнай праграмай можна будзе на сайце фестываля (ад 7 лютага).
Уваход вольны!
Месца правядзення: Шматфункцыянальная
арт- прастора ВЕРХ (Менск, вул. Куйбышава, 22, 6
корпус, 6 паверх, т.8
029 381-81-81)
Комментариев нет:
Отправить комментарий