Адбылася прэзентацыя Гадавіка Цэнтра Беларускіх Студыяў №3, 13 чэрвеня 2018

13 чэрвеня ў музеі Максіма Багдановіча адбылася першая, і пакуль што, адзіная ў гісторыі прэзентацыя Гадавіка Цэнтра Беларускіх Студыяў. Увазе грамадскасці былі прадстаўлены ўсе тры нумары за 2015-2017 гг. (змест нумароў прыкладаем).

Думка аб правядзенні ў Менску прэзентацыі прыйшла да нас пад час адкрыцця экспазіцыі, прысвечанай Адаму Міцкевічу , якая адбылася ў Дзяржаўным музеі беларускай літаратуры. У экспазіцыі былі выкарыстаны нашыя знаходкі - метрычныя запісы давяршэння хросту маці Адама Міцкевіча, метрыка шлюбу яе бацькоў, метрыка хросту паэта. Таму, на нашу думку, было лагічна зладзіць на базе музея і прэзентацыю трэццяга нумара гадавіка, у якім былі змешчаны гэтыя і іншыя метрыкі, датычныя продкаў і сваякоў Адама Міцкевіча.

Ідэя была падтрымана і рэдактарам гадавіка, сп.Генаддзем Семянчуком і дырэктарам музея , сп.Змітром Яцкевічам. І таму, як толькі гадавік выйшаў з друку, адразу быў запушчаны махавік падрыхтоўкі прэзентацыі.

Напачатку імпрэзы з вітальным словам да сабраных звярнуўся намеснік дырэктара Музея беларускай літаратуры , загадчык філіяла Міхась Бараноўскі

У імпрэзе ўзялі ўдзел, аўтары гадавіка:

Генадзь Семянчук, кандыдат гістарычных навук, рэдактар гадавіка

Алесь Жлутка, гісторык, філолаг, старэйшы навуковы супрацоўнік Інстытута гісторыі АН РБ

Аляксей Шаланда,кандыдат гістарычных навук, рэдактар геральдычнага часопісу «Герольд Litherland»

Зьміцер Дрозд, даследчык, архівіст

Зьміцер Юркевіч, даследчык, Арт-суполка імя Тадэвуша Рэйтана

Напрыканцы цікавай і дынамічнай імпрэзы выступіў дырэктар музея, Зьміцер Яцкевіч.

Пасля чаго, пад час "кава-паўзы" адбылася невялічкая дыскусія, у якой бралі ўдзел гімсторыкі, выдаўцы і аматары беларускай гісторыі.

Выказваем шчырую падзяку кіраўніцтву музея за магчымасць правесці прэзентацыю ў сценах музея Максіма Багдановіча і дапамогу ў арг-пытаннях. Будзем спадзявацца, што места сустрэчы ў далейшым стане традыцыйным!