Вечарына памяці Тадэвуша Рэйтана ў сядзібе Ваньковічаў. 25 красавіка.

25 красавіка 2019 года адбудзецца штогадовая імпрэза, якую мы прысвячаем памяці нашага славутага земляка Тадэвуша Рэйтана.Зорка Героя ўзыйшла 19 красавіка 1773 года, у дзень пачатку надзвычайнага сойму Рэчы паспалітай Абедзьвух Нацый, удзельнікі якога мусілі сваімі рукамі зацвердзіць падзел уласнай краіны. Пасол Наваградскага ваяводства ВКЛ Рэйтан стаў на чале нешматлікай групы паслоў-патрыётаў, якія рашуча выступілі супраць падзела Рэчы паспалітай краінамі -захопніцамі.Ад таго часу і да нашых дзён, само імя Рэйтана з'яўляецца сінонімам слова "Патрыёт".На вялікі жаль, доўгі час імя Тадэвуша Рэйтана было ў ценю. Але, час змяніўся!У імпрэзе бяруць удзел беларускія гісторыкі і мастакі. Аздабленнем стане вулічная выстава аднаго вечара "Род Рэйтанаў. Асобы. Падзеі" (мастак Алесь Родзін, гіст. кансульт. Зміцер Юркевіч).Запрашаем на імпрэзу тых, хто цікавіцца гісторыяй Беларусі!Ладзіць імпрэзу Арт-суполка імя Тадэвуша Рэйтана, якая адзначае шостую гадавіну стварэння.18 00-20 00Дом-музей Ваньковічаў, Менск, Інтэрнацыянальная , 33.Уваход вольны."Рэйтан на сойме 1773 года" , Ян Матэйка, (1866)